Инвестициялық тур – бұл Астана қаласында жүзеге асырылған жобаларды шолу саяхаты және көрсету рәсімі, сондай-ақ әлеуетті инвесторлар үшін «Астана – жаңа қала» АЭА аумағындағы жеңілдіктер мен артықшылықтарды түсіндіру.
Индустриалды парк алаңы 598,1 га. аймақта орналасқан. Барлық коммуникациялар жергілікті бюджет есебінен тартылған. Инфрақұрылым кіші станциямен, ұзындығы 3,4 км магистралді жылу трассасымен, 18,7 км автомобиль жолымен, 23 км су құбырымен, 22,4 км тұрмыстық кәріз жүйесімен, 33,5 км жаңбырлы кәріз жүйесімен қамтамасыз етілген, 7,5 км кабелді арна салынды. «№ 1 индустриалды парктің құрылысы» инфрақұрылымының жалпы құны 131,3 млн. АҚШ долларын құрайды (2015 жылғы 01-шілдедегі жағдай бойынша).
2002 жылдан бері АЭА аумағына сомасы 11,7 млрд. АҚШ доллар инвестиция тартылды. Бүгінгі күні АЭА аумағында және Индустриалды паркте 58 жоба жүзеге асырылуда.Ол кәсіпорындардың 21-і іске қосылған және 2006 жылдан бері сомасы 1,9 млрд. АҚШ доллар өнім шығарды, 19-ы құрылыс кезеңінде, 18-і жобалық кезеңде немесе жер телімін тіркеу кезеңінде.
«Астана – жаңа қала» АЭА орналасқан компаниялар табыс және жер салығын, ҚҚС төлемейді. Астана қаласы аумағында басқа аудандармен салыстырғанда су (су және кәріз жүйесі үшін тариф куб метрге 1,3$), электр (кВт үшін 0,09$) және жылу (Gcalүшін 7,9$) тарифтерінің төмен болу фактісі қосымша пайда ретінде қызмет етеді. Бұл артықшылықтар қазақстандық және шетелдік инвесторларға қатысты. Индустриалды парктің 58 жобасынан 11-і шетелдік болып табылады.
Қала басшылығы арнайы экономикалық аймақ шегінде және одан тысқары инфрақұрылымға және болашағы бар салаларға инвесторлар ретінде ең жақсы деген ұлтаралық корпорацияларды тартуға мүдделі, және осы ниетті жүзеге асыру үшін үлкен жұмыс жүргізілуде. Қазірдің өзінде АЭА аумағында Alstom, Talgo, Airbus (Eurocopter), General Electric, Metro сияқты және өзге де шетелдік компаниялар қызметін жүргізуде.
 |  |  |
Өнеркәсіптік кәсіпорындардың өсіп келе жатқан мүдделерін есепке алып, әкімдік 433,1 га (бірінші индустриалды парк 598,1 га. Аймақта жайылып жатыр) екінші Индустриалды Паркті дамытуда. Jurong Consultants - Singaporean Jurong International еншілес компаниясы, екінші индустриалды парктің бас жоспарымен жұмыс үшін тартылды. Jurong Consltants компаниясы бұл ерекше саладағы көшбасшы болып табылады және сәйкес жобаларды іске асыруда мол тәжірибесі бар.
Инвестициялық тур кезінде қатысушылар қаланың және Индустриалды парктің инвестициялық мүмкіндіктерімен көрнекі танысуға мүмкіндік алады.
