Еңбек жолын ҚР Стратегиялық жоспарлау және реформалар агенттігінде бастаған. «АПК «Сұңкар» ЖШС Төрағасының бірінші орынбасары, «Ұлттық консалтингтік топ» ЖШС Президенті, «Ордабасы» Корпорациясы» ААҚ бірінші вице-президенті, «Credit Swiss» ЖШС қаржылық жобалар маркетингінің директоры қызметтерін атқарған.
Қазақстанның саяси билігіне келуі 2003 жылы ҚР Индустрия және сауда вице-министрі лауазымына тағайындалудан басталды. Бұдан кейін «Қазына» тұрақты даму қоры» АҚ Басқарма төрағасының орынбасары, Қазақстан Республикасы Президентінің көмекшісі лауазымдарын атқарды.
2009 жылдан бастап ҚР Индустрия және сауда министрі, Премьер-министрдің орынбасары – индустрия және жаңа технологиялар министрі болды. 2014 жылдың тамызынан бері – Қазақстан Республикасының ИНвестициялар және даму министрі.
«Қазақстан Республикасының Тәуелсіздігіне 20 жыл» мерейтойлық медалімен, «Кұрмет» орденімен марапатталған.
Әл-Фараби атындағы ҚазҰУ-ның заң факультетін бітірген. Сондай-ақ, Қазақстан Республикасы Президентінің жанындағы Мемлекеттік басқарудың жоғары мектебін тәмамдаған.
