Мұражайда Қазақстан Республикасы Тұңғыш Президентінің өміріне, мемлекеттік және қоғамдық жұмыстарына байланысты мұрағаттық құжаттар, ғылыми еңбектері, сыйлықтар жиынтығы, марапаттар және басқа да материалдар сақталуда. Бір кешенді құрайтын бірегей ұқыпты заттар, бейнесі өзгертілмеген күйде сақталған. Қазіргі кезде мұражайда 40 мыңнан асатын экспонат сақталған. Президент сыйлықтары мұражайдың мақтанышы болып табылады. Бұл жиынтыққа тең келетіні жоқ, мұнда ҚСРО және тәуелсіз Қазақстанның, көптеген мемлекеттер мен халықаралық ұйымдар берген сыйлықтар бар. Мемлекет басшысына сыйланған кітаптар ерекше қызығушылықты тудырады. Олардың елеулі бөлігі бірегей болып табылады, өйткені онда бүгінгі күні атақты адамдардың қолтаңбалары бар.
«Ел және әлем» көрмесінде әлемнің 30 мемлекетінен әкелінген керемет 148 экспонаты (суреттер, мүсіндер, ескерткіштер, безендендіру-қолданбалы өнер бұйымдары) көрсетілген. Бұл Қазақстан Республикасының Президентіне шетел мемлекеттері мен үкімет басшылары, халықаралық ұйымдар мен қорлар, жетекші әлемдік компаниялар, республикамыздың азаматтары сыйлаған сыйлықтар. Экспонаттар құнды атмұра мен өнердің тамаша туындылары ретінде қызығушылық тудырады.
Мұражай оқиғаға бай тарихты зерттеуге және оның тәжірибесінен қажетті сабақ алуға себептесе отырып, еліміздегі мәдени өмірде ерекше орын алады. Қазақстан Республикасы Тұңғыш Президентінің мұражайына барғаныңыз міндетті түрде есіңізде қалады: онда интерьер бұйымдары мен жиһазды, президентке сыйланған кәдесыйларды, кітаптар мен сурет туындыларын, қару-жарақты, жеке зататр мен құжаттарды, графикалық жұмыстар мен безендендіру-қолданбалы өнер туындыларын, сондай-ақ басқа да көптеген затты көруге болады.
