Президент ҚР ҰАК құруға қатысу және оған қызығушылық білдіре отырып, кітапханының Қазақстандағы білімнің жолсерігі, оның білім үдерісіндегі маңызды рөлі ретіндегі мақсатын белгіледі. Астана қаласының «Қазақстан Республикасының Ұлттық академиялық кітапханасы» мемлекеттік мекемесі ҚР Үкіметінің 2004 жылғы 23 ақпандағы №461 қаулысымен құрылды. Оның басты мақсаты – Астананың ақпараттық, білім және мәдени-ағартушылық инфрақұрылымын одан әрі дамыту.
2004 жылғы 10 маусымда – Мәскеу қаласының мэры Ю.М. Лужковтың қатысуымен Президентіміз Н.Ә. Назарбаев ҚР ҰАК ресми түрде ашты. 2005 жылғы 10 қыркүйекте кітіпхана алғашқы оқырмандарды қабылдады. Оқырмандар билігінде Каталогтардың электрондық залы, электрондық ресурстар залы, ақпараттық-библиографиялық сервис қызметі, Мұнай мен Газдың электрондық оқу залы, әлемдік әдебиет бөлімі, Ғылыми оқу залы, мүмкіндігі шектеулі адамдарға арналған заманауи технологиялық әзірлемелерімен жабдықталған зал және тағы басқалар сияқты қазіргі заманғы залдар бар. Кітапханада бір мезгілде 500 оқырман орнына арналған 17 зал ашылды. Кітапханада 2,5 млн. кітап данасына арналған кітап қоймасы мен электрондық ақпаратты терабайттық көлемдерде сақтауға мүмкіндік беретін серверлер кешені орналастырылған.
ҚР ҰАК оқырмандары үшін бірқатар электрондық қызмет түрі ұсынылады: қашықтық толық мәтінді дерекқорға қолжетімділік, кітапханашыға сұрақ қою мүмкіндігі – виртуалды анықтама қызметі, ҚР ҰАК қорларындағы шығармадардың электрондық көшірмелері бөлігін (дайындау және электрондық пошта бойынша жеткізу) ұсыну, бірнеше күн бұрын он-лайн режимінде оқу залдарына алдын-ала тапсырыс беру, кітапханаға қашықтықтан жазылу және тағы басқа да қызметтер. ҚР ҰАК өзіндік он-лайн жобалары: ҚР ҰАК ресми сайты (www.bark.kz), Қазақстан Республикасы кітапханалар қауымдастығының ресми сайты (http://nabrk.kz), Қазақстан кітапханаларының сайты - (www.kazlib.nabrk.kz), ұлы қазақ ағартушысы Абай Құнанбаевтің өмірі мен шығармашылығына арналған «Әлемге танылған - Абай» сайты (www.abay.nabrk.kz), Халықаралық оқу конгрессінің сайты (www.congress.nabrk.kz.). ҚР ҰАК веб-сервері «Адам құқықтары бойынша ашық сандық кітапхана» деген жобаны таратады, мұнда адам құқықтары жөніндегі заңнама актілері тұрақты түрде орналастырылады. Бұл ресурсты (www.hrc.nabrk.kz) ҚР ҰАК қызметкерлері ҚР Президенті жанындағы Адам құқықтары жөніндегі комиссиямен ынтымақтастық шеңберінде жүргізіледі.
